امي
هي مش بس كلمة بقولها علشان حضرتك كبيرة في السن وفي المقام
لا هي حقيقية جدا
ناس كتير موجودين في حياتي كبار وفي سن امي واكبر
مطلعتش مني كلمة ( امي ) دي ليهم ابدا لان مش بقولها غير لـ امي اللي خلفتني وربتني ولحضرتك
من اول يوم ليا عرفتك فيه واتكلمنا وانا شايفك حاجه كبيره جدا تستحقي كل الحب اللي في الدنيا
دايما معايا وفي ضهري
ودايما بتقوليلي الصح فين والغلط فين وانا كمان كنت كدا
انا شوفتك امي التانيه وصحبتي المقربه واختي الكبيره شوفتك حاجات كتيره اوووي وكلها حاجات حلوه زي ضحكتك
لانك انتي جواكي خير ونقية من جواكي من شدة حبي ليكي الناس بقت فاكره ان ابنك حقيقي
لدرجة ان في ناس بتدخلي وتقولي ربنا يباركلك فيها ويخليها ونفس الناس بتدخل تقولك عرفتي تربي
خرجنا وضحكنا وهزرنا واكلنا وشربنا لا كنا بنشوف مصلحه ولا في هدف من ورا كل دا
غير حب ام لـ ابنها وعشق ابن لـ امه
انا بقول كل دا لان مهما حصل او هيحصل هفضل احبك
وهفضل شايفك امي التانيه اللي بحب اسمع ضحكتها وصوتها وبحب اشوفها دايما مبسوطه وفرحانه
مهما كان الزعل ومهما حصل مبعرفش اشوفك زعلانه لان مافيش ابن بيحب يشوف امه زعلانه
او حتي مدايقة بتمني من ربنا يديمك في حياتي ويسعد قلبك ويفرحك ويحققلك كل اللي بتتمنيه
ليست هناك تعليقات:
إرسال تعليق